خیال وشعرالاهوازی

مدونه الشعر و الفن الاهوازی ˚ ◦˚ஐ علی العموری˚ ◦˚ஐ


ابيات ابوذيه للشاعرالاديب نزارعوده الخسرجي

 

ولله مشتاگ الحنانك يابعيد

اويوم وصلك ينحسبلي يابعيد

يل خذيت اوياك گلبي يابعيد

اشلون اعيش ابلاگلب صعبه الحيات

=======

ينده النايم من يرن هاونه

ويرحب ابكلمن گصدهاونه

ابگلب المحب لاماتظل هاونه

الگاصدمظيف اهلي ابگهوته اتعطر

=======

يگلبي ابظيم عشت وشفت بسهم

او منك  صاحو الحبوك  بسهم

ميت  ظال  عالي  الهام  بسهم

مثل موت النخل فوگ الوطيه

=======

ادنيه  والوكت  ونته عليهم

اوماتدري اشكثرصايرعليهم

الواشي ايصيح هاخوتي عليهم

ونته اتصيح بس كضوه اليه

=======

قوي صيراعله جرحك گوم شده

بديك  ولا تهم  اشنزف  شده

حكمه  لو تمر بل  رجل  شده

تعزله الماهولك بلظيج هيه

=======

ضربه  الوكت وترابه  وعيبي

غزه الحدبس لگاني انطروعيبي

لان يدري ابسبب ضعفي وعيبي

امنخوتي اتصيح حيل اوياعليه

=======

اقط كل وكت بحرالفكروشلاه

ابندامه  ولا تجد بلعين وشلاه

بگيت اومي طيورالوحش وشلاه

والمصگر يفر من  بين  اديه

=======

العسرماذبل اعثوگي وسعفاي

ضخين ادوم بي ياجد وسعفاي

ساعه ابحرك امسيس وسعفاي

العزم بلاه الاریده اتنوشه ایدیه

=======

 سهم بلزين اناعدي وحصبه

وشوفه اشري بالف يدري وحصبه

اليعن صوب المجدغوجه وحصبه

يظل كعبت شرف بي زوداليه

=======

ياصاح چم دوب اون ولوكت يعزف عود

وظليت جلدوعظم ولجسم يشبه عود

بعدالعذاب انتظرايام راحه عود

وبهاي اسلي النفس ورجه الفرج راحلي

وماحسبيته ابدنص العمرراحلي

الدنيادار الفناكل امري راحلي

مايفرقلهاابدشنهي شباب وعود

=======

اون ولوكت يعزف ناي ويعود

الي وجسمي ايتشابه صبح ويعود

يجي بعدالعذاب انتظر ويعود

الفرج يمته العمرخلص بذيه

=======

انته اهلي وعمامي ونته ناسي

يولفي انته فرحتي ونته ناسي

تگلي انته العفتني ونته ناسي

هوانه ودم هواك ايدوربيه

=======

وحياتك شرب مالذلي ولاچل

ولارك للوكت عزمي ولاچل

المايعرف يكظ تفگه ولاچل

لزمهاابيوم وكتي گطع بيه

=======

امنهديوم الهجرني ماشفتلي

اجروحي وعمت عيني ماشفتلي

بعدهاانهارحبه ماشفتلي

ابئمل تجري ويعاود يوم ليه

=======

بعدمالحن عليهم لامصر

ربعی واصرارالهم ابدن لامصر

شوف لاتونس الظلت لامصر

ثارت بدلت حكم الطغات

=======

اشوكت نمشي سواياترف ونصاف

ونشوف العاطفه بهواك ونصاف

افراگك جسم الدلال ونصاف

نص عدك بگه ونصي بديه

=======

يروحي اوياچ كلشي الصارحل حل

امنيدچ ودري اله منوجدحل حل

خلص صبري يدهري الريح حل حل

مرمليت ماظل صبرليه

=======

 ياصاح  لاتشتكي هم من زمانك لحد

تزغر ابعين الطرف بيده ايحفرلك لحد

كلشي نهايه اله ولظيم لابدله لحد

ماتدري ياصاحبي من بعدليلك نهار

وليعبرالشط تظن يعجزابطفرت نهار

اصبرعله ماجره لوهام عگلك نهر

لاتشتكي حالك ابدبس للجليل الاحد

=======

ربع الماتهم همي محبها

بعدشيفيدلخدودي محبها

الظاهرينتسب دايم محب ها

بس تزلف يلدغك راس حيه

=======

شسولف عن ولم گلبي شصف بي

شعدل زين بنياني شصف بي

شطيرن بعدبجناحي شصف بي

تهلس مابگه كل ريش بيه

=======

گضيت العمر ياولفي بس اتهل

ابندم ودموع دم عيني بس اتهل

تهل ناطرخلص صبري بس اتهل

الك باجي العمرناذر هديه

=======

هلي چفيتي وعگالي عللهم

وسمهم لليضدوني عللهم

هلی ابسوح الوغادايم عللهم

يرف بيرق نصرومبچي الجناب

=======

اوحياتك مايرك العزم لومل

جميع الجسم دهري ابنارلومل

اعتقدكله حچيت الظيم لومل

شماته وتنجعل ذله عليه

=======

اهوي اومادريت الحال شلحال

وبگه فعل الوكت وياي شلحال

شنهي الطب يهالي العرف شلحال

العلتي امابگه كل حيل بيه

=======

گتله احبك گال مثلك انه احب

گتله احبك گال مثلك انه احب

گتله حبك گال مثلك انه حب

خضرابلاماي رقم العاصيات

======= 


پنجشنبه بیستم مهر 1391  توسط علی العموری (مدینة شیبان)  |

 


مدونه الشعر و الفن الاهوازی ˚ ◦˚ஐ الشاعرعلی العموری مدینة شیبان ˚ ◦˚ஐ

 

 

مدونة شيبان الثقافية
مدونة تراث الاحواز سعیدالتمیمی
موقع علوان
مدونة فلاحیتی بدرنصاری
دیوان مصطفی الهلیچی
دیوان ملاثانی رحیم المنهل
شیبان الثقافیه نادرحمیدی
مواهب شیبان ایوب کربلائی
لیالی کارون ایوب الاهوازی
مدونة فلاحيتي
تراث الاحوازسعیدالتمیمی
الشاعرامحیبس الهلیچی
مدونه بلدنه
ابن الفلاحیه
up
موقع علوان
سیدحسن الشریفی
شهدشیبان
سیدعلی البوشوکه
الشاعرعبدالعباس بیت صیاح
الشیخ مهدی الساری
الادیب
امنه عبیداوی
حسن فریسات
مـدونة قـــــُـــــبــــــــلــــــــــة
مـدونة عبدالعزیزحمادی
الی من یحب الفلاحیه
قوافي لشعر الشعبي العربي في خوزستان
الحرشة الأهواز
ریاحین الحب
صوتيات محمد الاميري
.::.::الشعر و الناس.::.::
.::.::جذر نخله.::.::
.::.::"احلام المنسیة".::.::
.::.::مکتـبة دورق الأهــــواز.::.::
.::.::تالاب هورالعظیم.::.::
.::الطائر المحکي (نقد الشعر الشعبي).::.::
.:.::.:::دیوان الهوسه.::.::
.::دیوان ملاثانی المهندس رحیم المنهل.::.::
.::کوت عبدالله الأهواز.::.::.::
.::دموعٌ علی رموش القوافي.::
.::اضحک عشان اعیش.::
.::شعرا اهل البیت.::
.:: مـوقع عشـایر الحـمــيد بيت عمـار ::.

 

 

 

 

.: Weblog Theme By Blog Skin:.

 

اسلایدر

دانلود فیلم